Тотенхем потврди: Конте мора да оди на операција
Стратегот на Тотенхем, Антонио Конте ќе мора да направи кратка пауза и да се фокусира на неговото здравје.
Имено, Италијанецот во последните денови чувствувал сериозно болки во предеот на абдоменот, а деталните прегледи покажале дека Конте има воспалено жолчно ќесе и најдобро е да оди на операциј.
Операцијата е веќе закажана и мали се шансите да го гледаме на клупата во дербито против Манчестер Сити следниот викенд.
„Антонио Конте неодамна се соочи со силни болки во стомакот. Денеска тој ќе биде положен на операција за отстранување на жолчното ќесе и ќе се врати по периодот на опоравување. Сите во клубот му посакуваат добро здравје“, објави Тотенхем.
Тотенхме во недела го очекува дербито против Манчестер Сити и во овој натпревар ако Конте не се врати на време ќе биде заменет од Кристијан Стелини.
