Адвокатот Александар Тортевски во емисијата „24 анализа“ вечерва, во врска со барањето на Државната комисија за спречување на корупцијата за утврдување одговорност за несреќата на автобусот на „Беса транс“ во Бугарија, рече дека министерот за внатрешни работи Оливер Спасовски има политичка одговорност и треба да понесе оставка, зашто во неговото министерство организацијата не функционирала и некој затаил.

– Тој што го чувал документот за техничките проблеми на превозникот, тој има кривична одговорност зашто направил злоупотреба на службената положба, му овозможил на некој субјект да обавува дејност спротивно на законите. Сигурно е дека МВР потфрлиле. Ако министерот поднесе одговорност, тој има морална обврска да го расчисти случајот и да поднесе одговорност, рече Тортевски.