Неодамнешните топлотни бранови низ Европа би можеле да го забават економскиот раст во Европа оваа година и да го намалат бруто домашниот производ (БДП) за половина процентен поен, според извештајот на Alliance Research.

Економските аналитичари споредија ден со температури над 32 степени Целзиусови со половина ден штрајкови, објавува Ројтерс.

Агенцијата истакнува дека во Европа, ваквите загуби на БДП би се движеле од 0,1 процентен поен за Германија до дури 1,4 процентни поени за Шпанија, каде што температурите се околу десет степени повисоки во лето. Глобално, топлотните бранови би можеле да намалат 0,6 процентни поени од БДП оваа година.

Поради екстремната топлина, Кина, Шпанија, Италија и Грција би можеле да забележат загуби на БДП од речиси еден процентен поен, додека во Соединетите Американски Држави падот би можел да биде околу 0,6 процентни поени, а во Франција до 0,3 проценти, се вели во извештајот- пренесува Политика.

Екстремните температури, исто така, ја намалуваат продуктивноста на трудот, а Меѓународната организација на трудот предвидува дека топлотниот стрес ќе го намали вкупниот број на потенцијални работни часови низ целиот свет за 2,2 до 2030 година.

Климатските промени ја зголемуваат фреквенцијата и интензитетот на топлотните бранови, сушите и пожарите, со далекусежни економски последици.