Највисоките цени за кирија во Европа не се во Париз, ниту во Лондон. Најскап град за подстанари во Европа е Луксембург. Таму месечно се плаќа околу 43,40 евра по квадратен метар, што е речиси десет пати повеќе од цената на кирија во Драч, Албанија, кој е најевтин на листата. Тоа е и повеќе од 10 евра по квадратен метар поскапо отколку во Париз, кој е на второ место.

Како што пренесува „Пункуфер“, „Делоит“ во своето годишно извештај редовно го објавува индексот на цени на недвижности во Европа. На дното на листата се градови од регионот: Сараево е на 71. место, а Бања Лука на 73. место. Кога станува збор за соседните земји, Сплит е на 33. место, Загреб на 41. место, а Ријека на 48. место.

Третото место го зазема Даблин, со просечен трошок од 31,70 евра по квадратен метар. Лондон, каде што е многу тешко да се најде пристоен стан за кирија, се наоѓа на 9. место, со просечна цена од 23,80 евра по квадратен метар месечно.

10 најскапи европски градови за кирија:

1. Луксембург, Луксембург: 43,40 евра
2. Париз, Франција: 32 евра
3. Даблин, Ирска: 31,70 евра
4. Барселона, Шпанија: 29,90 евра
5. Осло, Норвешка: 27,30 евра
6. Мадрид, Шпанија: 27,10 евра
7. Амстердам, Холандија: 26,30 евра
8. Копенхаген, Данска: 24,80 евра
9. Лондон, Англија: 23,80 евра
10. Голвеј, Ирска: 22,90 евра