Тодоров: Исчезнувањето и појавувањето на Мијалков не го решава системскиот проблем, проблемот постои

Поранешниот вицепремиер и министер за здравство, Никола Тодоров во вечерашното гостување во емисијата „Топ тема“ на ТВ Телма го окарактеризира исчезнувањето на Мијалков како лошо за него, но и за државата. Одамна, вели тој, „го познавам и бегањето никогаш не било негов стил“.

Тодоров ја оцени како погрешна изјавата на премиерот Заев кој од пред Владата попладнево истакна дека „институциите го принудиле Мијалков сам да се пријави, затоа што му ги затвориле сите опции“.

– Не може и не смее да не се види каде затаил системот. Ова е шанса за него како премиер да покаже дека сака длабока и темелна реформа и ако навистина ја сака, да ја направи. Не мора секогаш да има кривична одговорност, некогаш може да има и морална, но слабите точки на системот, мора да се лоцираат. Ако затаил, да се види каде затаил. Исчезнувањето и појавувањето на Мијалков не го решава проблемот, проблемот постои, вели Тодоров.

Видео на денот