Тирамису торта со малини, лесно се подготвува, а вкусот е фантастичен
Тирамису е италијански десерт којшто по традиционален рецепт се приготвува со пишкоти – натопени со кафе еспресо, сирење, јајца, шеќер, вино марсала или рум и какао. Во оригиналната рецепта не е наведена употреба на алкохолот, со оглед на тоа дека на почетокот овој десерт бил наменет за сите, од деца до возрасни и стари. Овој пат ви предлагаме една пролетна и освежителна верзија на овој популарен десерт – тирамису со малини.
Состојки:
– 250 мл слатка павлака
– 50 гр шеќер во прав
– 500 гр сирење маскарпоне
– 1 шолја кафе -еспресо
– 3 лажици амарето или друг алкохол
– 150 гр бисквити
– 4 лажици какао
– 200 гр малини
Подготовка:
Изматете ја слатката павлака со шеќерот и додајте го маскарпонето. Комбинирајте го кафето со амаретото. Потопете ги бисквитите еден по еден во смесата со кафе и алкохол.
Во сад наредете еден слој бисквити потопени во кафе. Ставете половина од смесата со павлака и сирење и покријте со уште еден слој бисквити. Ставете го остатокот од смесата. Покријте го горниот дел со какао, а потоа покријте ја целата површина со малини. Ставете ја тортата да стои 2-3 часа во фрижидер.