Кошаркарите на ТФТ забележаа голема победа над Златибор со 87-79 во вториот натпревар од плејофот во АБА2-лигата, иако во текот на мечот се соочија со негатива од 18 поени (31-49).

Македонскиот тим не го започна најдобро натпреварот и првата четвртина ја загуби со 14-21. Златибор продолжи со сигурна игра и во вториот период, па на полувремето замина со убедлива предност од 49-33.

Сепак, во второто полувреме ТФТ покажа сосема поинакво лице. Домашните кошаркари ја подигнаа играта, постепено ја намалуваа разликата и во третата четвртина целосно ја стопија негативата, а во еден момент и поведоа со 60-59.

Во последниот период се водеше израмнета борба, но ТФТ во клучните моменти презеде целосна контрола, направи серија на поени и на крајот заслужено стигна до триумф од 87-79.