Кошаркарите на ТФТ успеаја да се реваншираат за поразот од пред шест дена и во плеј-оф дуелот на домашен терен славеа над Тиквеш со 80-74.

Средбата понуди цврста игра и неизвесност, а домаќините беа посигурни во завршницата, што им донесе значајна победа. ТФТ подобро го отвори натпреварот и по првата четвртина имаше предност од 17-14, која во вториот период ја зголеми и до пет поени.

Сепак, гостите возвратија и со подобра игра до полувремето направија пресврт, па на пауза заминаа со водство од 35-29.

Во второто полувреме следуваше нов пресврт, ТФТ ја презеде контролата, заигра поагресивно и со серија поени стигна до највисоки „плус 13“ (58-45). Во последната четвртина се влезе со предност од 59-51, по што домаќините ја задржаа концентрацијата и ја заверија победата.