Точно 17 вреќи со отпад се собрани во неделата на патот од Бањиче кон карпата Илјадница, од само еден човек, тетовчанец кој со велосипед редовно се рекреира кон Бањиче. Тој често пати самиот прави еколошки акции, односно ги собира отпадоците кои фрлаат несовесни поединци, информира Тетовоинфо.

За ваква акција на тетовчанецот со велосипед, чие име велат дека е познато на медиумот, оттаму информираа и во феврури. Тој смет собира редовно и вели дека ќе продолжи со овие активности.

Целта е да се подигне колективната свест за потребата од почиста природна околина, особено на места како Бањиче и реката Пена. Односно, порака за сите посетителите дека природата е заеднички дом, а секој може да помогне барем – наместо да фрла отпадок во природа, да го остави сметот во една од кантите долж патеката покрај река Пена, или контејнерите што се поставени кај месноста Бањиче.

ВИДЕО | „Пено, тешки тркала те газат“ – во Тетово измислуваат нови начини за изживување над природата