В сабота на 9 мај со почеток од 18.00 часот во салата „Билјанини извори“ во рамките од осмото коло во плејофот на најдобрата македонска ракометна Суперлига, ГРК Охрид е домаќин на Вардар 1961.

Скопските „црвено-црни“ ја освоија титулата шампион на Македонија на три кола до крајот на првенството по убедливата победа над Еурофарм Пелистер.

Денеска играчите на Еурофарм Пелистер триумфираа над Бутел Скопје во салата „Боро Чурлевски“ со 38:28.

Своите очекувања за дуелот со Вардар 1961, ги сподели ракометарот на Охрид, Иван Тасески:

– Честитки до Вардар 1961 за освојување на титулата. Овој викенд ни следува меч против нив. Иако имаме голем број на повредени играчи, ќе го дадеме максимумот на овој меч. Покажавме дека можеме да играме против секого оваа сезона, и доколку ни се пружи шанса, ќе гледаме да ја искористиме. Сигурен сум дека охридската публика и љубителите на ракометот ќе уживаат во овој натпревар – вели Тасески.