Фудбалскиот клуб Милан би можел многу наскоро за новата сезона да го засили нападот со Расмус Хојлунд или Душан Влаховиќ.

Спортскиот директор на „росонерите“, Игли Таре, го призна ова пред победата од 2:0 над Бари во Купот на Италија:

– Хојлунд е добра опција за нас. Размислуваме за него, но трансфер пазарот е непредвидлив. Знаеме дека ни е потребен напаѓач, а Влаховиќ е исто така алтернатива – рече Таре.

Спортскиот директор на Милан, исто така, коментираше за новиот среден ред на тимот по трансферот на Тијани Рајндерс во Манчестер сити. Ова лето, клубот ги доведе Лука Модриќ, Самуеле Ричи и Ардон Јашари.

– Со доведувањето на тројцата, техничкото ниво на тимот значително се зголеми. Не беше тешко да се убеди Модриќ бидејќи тој беше навивач на Милан како дете, исто како мене – вели Таре.