Нашите услови за уставните измени ќе бидат пакет мерки коишто ќе ги побараме од Владата и коишто ќе ги презентираме идната недела, изјави Арбен Таравари в.д претседaтел на Алијанса за Албанците.

Меѓу условите за поддршка на уставните измени ќе биде и барањето да се смени уставната формулација 20 отсто со формулацијата албански јазик. Тој најави дека претходно мерките ќе ги презентираат пред најзначајните амбасади и пред партиите.

-Предлогот ќе биде нешто што не ќе може да се одбие. Едно од барањата ќе биде и еднаш за секогаш да ја тргнеме формулацијата 20 отсто и да биде барем како што беше во Југославија, македонскиот и албанскиот јазик беа јазици коишто официјално се користеа. За тоа мислам дека има подготвеност од сите македонскиот партии – рече Таравари.

Тој како шпекулација на ДУИ ја оцени информацијата дека Алијанса за Албанците ќе биде дел од Владата.

-Не сме човек партија, туку имаме партиски тела. Засега нема ништо, нема понуда, но ако има таков предлог одлуката нема да ја носи претседателот, туку сериозно ќе се разгледа во органите на партијата без оглед каква ќе биде таа – рече Таравари.