Актерот Роберт Патинсон повторно се најде во фокусот на јавноста, откако со необична изјава поттикна нов бран шпекулации дека тајно стапил во брак со својата долгогодишна партнерка Суки Вотерхаус.

На премиерата на филмот „Драмата“ (The Drama), каде што се појави заедно со Зендаја, Патинсон беше прашан која е најголемата тајна што некогаш ја чувал. Неговиот одговор беше краток, но доволно интригантен: „Истата како и твојата“.

Изјавата доаѓа во период кога сè почесто се појавуваат гласини дека актерот и Вотерхаус веќе се венчале, далеку од очите на јавноста.

Интересно е што и самата Зендаја неодамна предизвика слични шпекулации, откако беше забележана со едноставен златен прстен на левата рака, покрај вереничкиот прстен вреден околу 500.000 долари, што ги засили претпоставките за нејзината врска со Том Холанд.

Да потсетиме, Роберт Патинсон и Суки Вотерхаус првпат беа поврзани во 2018 година, а според медиумските извештаи, се свршиле во декември 2023. Во март 2024 година станаа родители на ќерка.

Дополнителен повод за шпекулации беше и изјавата на актерката Шерон Стоун, која во јануари 2025 на еден хуманитарен настан го нарече Патинсон „сопруг“ на Суки. Таа изјава тогаш не беше јавно коментирана од парот.

Извори блиски до нив наведуваат дека двајцата имаат сериозна намера да стапат во брак, што само ја продлабочува мистеријата околу нивниот однос.