Таа е една од најопасните личности на интернет!
Според податоците од компанијата McAfee, која се занимава со безбедност на интернетот, Мејси Вилијамс е помеѓу имињата чие пребарување може да ве доведе во ризик на својот компјутер или мобилен уред да „закачите“ вирус.
Мејси го зазема второто место, веднаш после водителката на британското дејтинг ријалити шоу „Love Island“, Каролин Флек, а едно место пред водителот на емисијата „Late Late Show“, Џејмс Корден.
Нешто помалку опасна е пејачката Ники Минаж, која го зазема четвртото место, додека на петтото се најде нејзината колешка, Били Ајлиш.
Во првите 10 на листата се најде и актерот Џош Гад, кој го позајми гласот за Олаф во анимираниот филм „Заледено кралство“.
Позади него се најде актерката Миша Бартон, потоа музичарот Сем Смит и пејачката Дуа Липа. Листата ја затвора австралискиот актер Лијам Хемсворт, кој се најде на 10-то место, пишува NME.
„Луѓето сакаат да бидат во тек со најновите вести од светот на познатите и културата, во било кое време и со било кој уред. Затоа во прв план ја ставаат брзината за доаѓањето до информации, кликајќи на сомнителни линкови кои им ветуваат содржина за нивните омилени познати личности“, рекол Раџ Самани од McAfee.