Светската здравствена организација (СЗО) соопшти во петокот дека 17 африкански земји во изминатите шест недели имаат регистрирано случаи на мајмунски сипаници. Од 14 септември до 19 октомври потврдени се вкупно 2.862 случаи и 17 починати.

СЗО, исто така, објави дека Малезија, Намибија, Холандија, Португалија и Шпанија го откриле варијантниот сој „Clade Ib“, првпат од последниот извештај на организацијата, пренесува Ројтерс.

Вирусот се пренесува преку близок физички контакт и обично предизвикува симптоми слични на грип и плускавци исполнети со гној. Болеста во повеќето случаи е блага, но може да биде смртоносна.