Светскиот шампион Ѓорѓиев: Ова е најомразениот златен медал што сум го освоил досега!
Пред три дена најдобриот македонски кикбоксер Димитар Ѓорѓиев по четврти пат се искачи на светскиот врв.
Нашата спортска јавност секако го слави овој голем успех на Ѓорѓиев кој вечерва сподели објава на социјалните мрежи во која вели дека овој златен медал е најомразениот што го освоил досега.
– Драги пријатели, другари и сите останати љубители на спортот. Пред се од срце ви благодарам за целата поддршка и позитивна енергија што ја добив во изминатите неколку дена. За жал морам да ви соопштам дека за мене ова е нај омразениот златен медал што сум го освоил до сега.
Исто така сакам да ве известам дека не планирам да присуствувам на ниеден прием ни во Агенција за млади и спорт / Agency of youth and sport ниту на организираниот или планот за организиран пречек во Општина Неготино, сите мои гостувања и планирани интервјуа ќе бидат откажани, а досегашните ке ве замолам да не ги објавувате. Овој медал го освоив бидејки сакам спорт и си ја сакам татковината. Поделбата која што е неизбежна во Македонија јас не ја сакам и не сакам да бидам дел од неа! – напиша Ѓорѓиев на Фејсбук.