Свети Николе конечно ќе добие Градски базен
Буџетот на Општина Свети Николе за 2021 година изнесува 414,7 милиони денари, од кои близу 170 милиони е основниот буџет. Повеќе капитални проекти се планирани за тековната 2021 година од Буџетот, образложи градоначалникот Сашо Велковски. Во селото Ерџелија ќе се гради нова детска градинка, а средствата во износ од 28 милиони денари се обезбедени преку Министерството за труд и социјална политика.
-Имаме предвидено и изградба на Куќа на спортот, со соблекувални за фудбалерите и санација на трибините, како и заградување на Градскиот стадион и поставување столчиња за трибините, вели Велковски.
Тој најавува дека Општина Свети Николе конечно ќе добие Градски базен, инвестиција од 12.400.000 денари, потоа изградба на фекални и атмосферски канализации, санација на речното корито на Светиниколска река, асфалтирање и локален пат од село Кнежје до село Ѓуземелци во Општина Лозово.
Меѓу капиталните проекти за оваа година е изградбата на нова Противпожарна станица со донација од Амбасадата на САД во износ од 450.000 долари. Пожарникарите ќе добијат и ново противпожарно возило преку Фондацијата „Флориан” од Велика Британија.
Во образовaнието е предвидено набaвка на таблети за децата на семејства од социјален ризик, а планирано е преку проекти, реконструкција на училиштата. За тековната година планирано е задолжување од 45 милиони денари кај Светска банка за изградба на неколку улици