Најдолгиот натпревар на Супербол е воедно и најгледана ТВ програма во историјата на телевизијата на САД.

Според Нилсен и Адоб Аналитикс (Adobe Analytics), победата на Канзас Сити над Сан Франциско во неделата навечер имала просечни 123,4 милиони гледачи низ телевизиските и стриминг платформи во САД. Тоа ги урна минатогодишните бројки од 115,1 милиони за победата на Канзас Сити во последниот натпревар над Филаделфија и е зголемување од 7 отсто, пишува „Гардијан“.

Според „Си-би-ес“, кој ја пренесуваше играта, годинешниот Супербол, барем дел од натпреварот гледале 202,4 милиони луѓе, соборувајќи го рекордот од 184 милиони, поставен исто така на последниот Супербол.

Бројките од понеделникот јасно покажале дека играта е вистински хит за CBS и NFL. Вкупно 120 милиони гледачи кои ја гледале играта на CBS е рекорд за една телевизиска станица. Наведените 123,4 милиони гледачи вклучуваат корисници на преноси на платформите Nickelodeon, Univision, Paramount+, NFL+ итн.