Во рамките од 17 коло во Супер македонската машка ракометна лига в недела на 14 декември со почеток од 18.00 часот, тимот на ГРК Охрид ќе го пречека актуелниот шампион Еурофарм Пелистер.

Своите очекувања за овој меч ги сподели играчот на ГРК Охрид, Тилен Стрмљан:

– Во недела нè чека тежок натпревар против Пелистер. На нас е добро да се подготвиме и на натпреварот да оставиме срце на терен. Натпреварот сигурно ќе биде многу интересен, затоа ги повикувам сите наши навивачи да ни се придружат на последниот домашен меч оваа година и да ни помогнат да стигнеме до што подобар резултат – вели Стрмљан.

Се сретнаа овие две екипи во шестото коло сезонава кога битолскиот тим славеше со 33:27.

Моментно на табелата води Вардар 1961 со 30 бодови, пред Еурофарм Пелистер кој има 28, следуваат ГРК Охрид и Алкалоид со по 25.