Street workout Macedonia, заедно со спортските колективи Харкорд Менталитет и Kazushi Grappling, организираат заеднички тренинг за сите љубители на калистениката. Тренингот ќе се одржи на новиот професионален калистеникa парк во Аеродром, кој официјално беше отворен минатиот викенд. Ова е одлична прилика за сите спортски ентузијасти да се запознаат со нови тренинг техники, да разменат искуства и да се мотивираат за нови достигнувања.

Тренингот ќе се одржи утре, сабота, со почеток од 12:00 часот и е отворен за сите љубители на спортот, без оглед на тоа дали се професионалци, аматери или рекреативци. Настанот е дизајниран да понуди различни нивоа на интензитет, со цел да се задоволат потребите на сите учесници.

Тренингот ќе биде поделен во три нивоа на интензитет: основно ниво, средно ниво и напредно ниво.

Секој учесник ќе има можност да избере темпо кое одговара на неговата физичка подготвеност. Организаторите исто така ги охрабруваат учесниците да донесат дополнителна опрема, како kettlebells, ластици и тегови, за да се збогатат вежбите и да се создаде поголема разновидност во тренингот.

Преземено од: Sport.com.mk