Британскиот премиер Кир Стармер денес за време на разговор со украинскиот претседател Володимир Зеленски изјави дека Обединетото Кралство е подготвено да „ги распореди своите сили во Украина“ во случај на прекин на непријателствата, објавија денес британските медиуми.

Стармер и Зеленски разговараа за тековните активности на „коалицијата на добронамерните“ и подготовките за распоредување на мултинационални сили во Украина во случај на прекин на непријателствата, објави канцеларијата на британскиот премиер, според весникот „Гардијан“.

„Обединетото Кралство останува подготвено да ги распореди своите сили на терен за да го заштити Киев доколку има прекин на непријателствата“, потврди официјалниот портпарол на британскиот премиер.

Размислувајќи за преговорите во Женева и дипломатските дискусии што следеа, Стармер и Зеленски се согласија за важноста од обезбедување праведен и траен мир за Украина, а британскиот премиер потврди дека Украина може да се потпре на поддршката на Велика Британија додека дискусиите продолжуваат,.