Цената на златото на светските берзи денес се движи во релативно стабилен опсег, по неколкудневни осцилации предизвикани од геополитички тензии и движењата на доларот. Според најновите податоци, цената на златото изнесува околу 130 евра за грам (24-каратно злато), со мали дневни падови од околу 1%.

Во текот на неделата, златото се тргуваше со повисока цена околу 134 евра за грам што укажува на значителна краткорочна волатилност на пазарот.

Последните движења на цената се силно поврзани со глобалните економски и политички фактори, но, секое зајакнување на доларот или зголемување на каматните стапки врши притисок врз цената на златото. Ова покажува дека пазарот е во фаза на корекција, по претходниот раст.

Државите купуваат злато

Златото и понатаму останува сигурно прибежиште за инвеститорите, но краткорочно е изложено на осцилации. Во евра, цената моментално се стабилизира околу 125–130 евра за грам, со можност за нови движења во зависност од глобалната економија и геополитиката.