Во престрелка во Дизелдорф во неделата наутро, убиен е сопственикот на ресторанот, српскиот државјанин Александар Стефановиќ (38), а за делото е уапсен косовскиот Албанец Рустем Лапи (52).

Како што јавуваат германските медиуми, полицијата го уапсила осомничениот пред локалот, а истрагата покренала екипа за истрага за убиство.

Според полицијата, пукотниците се случиле околу 02:45 часот во центарот на Дизелдорф.

Во една кафеана во населбата дошло до расправија меѓу маж и сопственикот. Наводно, убиецот претходно замавнал со пиштол во ресторанот кој бил полн со гости.

Откако расправијата се преселила на предниот дел од зградата, мажот испукал неколку куршуми кон сопственикот на ресторанот, а потоа повторно влегол во просториите, информираат од полицијата и обвинителството.

Полицијата набрзо без отпор пред кафеаната уапсила маж вооружен со огнено оружје.

Уапсениот, според полицијата, е 52-годишен косовски Албанец, жител во Германија. Иако полицијата и итната помош се обиделе да го реанимираат на лице место, 38-годишниот сопственик на локалот им подлегнал на повредите.

Увидот за настанот и околностите во текот на ноќта го презеде увидна екипа за убиство. Полицијата засега не може да каже дали имало други учесници и кои биле мотивите за овој чин.

Според медиумите, жртвата е ММА борец од Србија.