Средба Заев – Вучиќ кон крајот на септември или почетокот на октомври
Премиерот на Северна Македонија Зоран Заев најави денеска дека со претседателот на Србија Александар Вучиќ би можел да се состане кон крајот на септември или почетокот на октомври, поради „продолжување на започнатиот проект за регионална соработка“, алудирајќи на „мини Шенгенот“.
Заев во Куманово напомена дека „во тој проект на регионална соработка во последно време се приклучило и Косово“, дека црногорскиот претседател бил на последните состаноци, како и еден од членовите на Претседателството на БиХ и истакна дека тој проект треба да се покрене без оглед на пандемијата.
„Многу работиме на административното отстранување на бариерите, пред се на границите, поради побрз проток на стока и патници и веруваме дека на средбите кои претстојат веднаш ќе имаме информации и од српска страна кога тоа би можело да биде продолжено“, рече Заев.
Тој најави дека првиот следен билатерален состанок со Србија ќе го искористи и за разговор за отворање на граничниот премин Лојане – Миратовац, недалеку од главниот премин Прешево – Табановце, каде работите се запрени поради пандемијата.