Сосетката го нападнала Чарли Шин во неговиот дом: Се обидела да го задави, тој викнал брза помош
Во средата полицијата дошла во домот на Чарли Шин, по маалска расправија. Полицајците велат дека сосетката на актерот, 47-годишна жена, тропнала на вратата на Шин, тој ја отворил, а потоа насилно влегла во куќата и го нападнала, пренесува „ТМЗ“ (TMZ).
Сосетката му ја искинала кошулата на Чарли и се обидела да го задави, а потоа се вратила во нејзината куќа. Чарли се јавил во поилиција и брза помош, и тие веднаш дошле на лице место, но тој немал повреди поради кои би требало да биде пренесен во болница.
На Чарли не му е јасно што го предизвикало инцидентот, но очигледно ова не му е прв проблем со неа. Тој им рекол на полицајците дека верува дека истата жена неодамна истурила некој вид леплива течност врз неговиот автомобилот. Тој вели и дека истата сосетка ден пред нападот фрлила ѓубре пред неговата влезна врата.
Жената на крајот била уапсена во нејзиниот дом и обвинета за напад со смртоносно оружје и наводно насилно влегување во куќата.