Сопругата на Рафаел Надал не сака веќе да го придружува на турнирите: Постои силна причина за тоа! (ФОТО)
Рафаел Надал и Марија Франциска Перело (32) се венчаа минатата година по 14 години врска, а таа е личност која успешно ја избегнува јавноста и не користи ниту една од актуелните социјални мрежи.
Тенисерот Рафаел Надал (34) секоја победа најпрво ја прославува со својата сопруга Ксиска Перело (32) доколку неговата сопруга е во публиката, но таа често ги избегнува рефлекторите и папарацо фотографите.
Инаку, Марија Франциска Перело, попозната како Ксиска, работи во осигурителна компанија, дипломирала претприемништво, а исто така е и директор на проектот во фондацијата „Рафа Надал“, која промовира лична и социјална интеграција и развој на децата и младите преку спортот во Шпанија и Индија.
Според странските медиуми, Ксиска ја започнала врската со Надал во 2005 година, но тие се познавале многу години порано.
Свршувачката беше објавена во јануари 2019 година, а тие се венчаа во октомври истата година. Свадбата ја направија во замокот Ла Форталеза на шпанскиот остров Мајорка, каде што е роден Надал. На свадбата присуствуваа 350 гости, а меѓу нив имаше и бројни познати личности.
Двојката нема деца, но Рафаел еднаш изјави дека сака деца и дека се замислува себеси во улога на татко. Тој истакна дека би сакал тој и Ксиска да почекаат, да ја заврши својата тениска кариера за да може целосно да им се посвети на децата.
„Би сакал да имам деца: синови, ќерки … Јас сум личност која сака деца и сум семеен човек“, рече тој.
Во едно од ретките интервјуа, Ксиска објасни зошто одлучила сè поретко да доаѓа на тениските натпревари на нејзиниот сопруг. Имено, таа истакна дека сака да ја зачува нивната врска и дека не би сакала да ја нарушува неговата концентрација следејќи го насекаде.
„Му треба простор кога се натпреварува и самата идеја да се повлечам и да чекам дали во одреден момент случајно ќе му притребам и целиот тој притисок ме заморува. Тоа би ме задушило и Рафаел во тие моменти би требало да се грижи за мене наместо за играта. Ако го следев насекаде, мислам дека тоа негативно би влијаело и на нашата врска во која одлично се сложуваме“, заклучи таа.
Инаку, Ксиска нема профил на социјалните мрежи, а Надал ретко ги споделува нивните заеднички фотографии бидејќи ја почитува приватноста која неговата сопруга ја бара од него.