Социјалните претпријатија се голем ресурс на којшто заеднички ќе треба да се потпреме во наредниот период.  Ако вложиме во претпријатија коишто ќе се грижат, односно ќе ги вклучат најранливите, ќе овозможиме услови за  намалување на сиромаштијата, истакна вицепремиерката за економски прашања, Мила Царовска, на националната конференција „Социјално претприемништво: Иновативен бизнис – модел за похумано општество”, организирана од граѓанската организација ХЕРА.

Според Царовска вистинското излегување од сиромаштија е детерминирано од вработеноста и тоа може да се постигне преку развојот на социјалното претприемништво и развојот на социјалните услуги на локално ниво.

Kонцептот на социјалната економија, се темели на принципите на солидарност и индивидуалното учество во процесот на развојот на активното општество, овозможувајќи висок степен на вработување и подобар квалитет на животот, но и рамка за нови облици на претпријатија и работни места.

– Она што е започнато досега, а треба да продолжи во наредниот период е активацијата на корисниците на гарантиран минимален приход, вложување во човечките капацитети и создавање на квалификувана работна сила за потребите адресирани и од компаниите, подвлече вицепремиерката за економски прашања.