Во време на голема неизвесност околу тоа кој ќе го преземе бизнисот на руски „Лукоил“ во земјава, но и насекаде надвор од границите на Русија каде што работи компанијата, македонското Собрание склучи договор за гориво за патничките возила и дизел агрегат тежок 2,3 милиони денари (околу 37.000 евра), објави „Фактор“.

Според порталот, ќе се точи гориво според цената која ја носи Регулаторната комисија за енергетика на неделно ниво, со попуст од 2,1 денар, односно 2,48 денари по литар.

Договорот почнал да важи од 27 ноември и ќе трае во наредните две години, а максималната количина дизел гориво која „Лукоил“ ќе ја однесе до Собранието за двата собраниски агрегти е 100 литри.

Рускиот гигант „Лукоил“ е под американски санкции и поради тоа го продава целиот свој имот во странство. Компанијата со свои рафинерии и малопродажни мрежи е присутна во повеќето балкански држави, а повеќе влади веќе најавија дека ќе ги преземат ресурсите на „Лукоил“ доколку се случи криза.

Романија даде зелено светло: Владата може да ја преземе руската рафинерија „Лукоил“ во земјата