Во новата епизода на „Со Ана на ТИ“ гостинка е Маја Бабиќ – организаторка и продуцентка на настани, жена што стои зад бројни концерти, фестивали и промотивни случувања кои ја обликуваат културната сцена кај нас.

Таа ја организира и манифестацијата „Глумците пеат“, проект создаден од нејзиниот татко, доајенот на Драмскиот театар, Марин Бабиќ – но нејзината работа не завршува тука. Нејзината кариера е спој од креативност, менаџмент, храброст и истрајност во индустрија што ретко простува грешки.

Разговаравме за тоа како е да растеш како дете на актер, меѓу сцена и зад кулисите, и како од таа позиција се гради сопствен професионален идентитет. За личниот и професионалниот раст, за одговорноста да го носиш семејното наследство, но и да создаваш сопствен пат.

Отворивме теми за улогата на успешна жена во бизнисот, за мајчинството и партнерството, за притисоците и очекувањата што општеството ги наметнува, како и за амбициите што не запираат.

„Со Ана на ТИ“ можете да ја гледате секој петок во 19 часот на јутјуб-каналот на „Слободен печат“.