Во новата епизода на „Со Ана на ТИ“ гостинка е актерката Ана Левајковиќ Бошков од Театарот за деца и младинци – уметница која минатата година одбележа значаен јубилеј, 30 години посветена работа на сцената. Низ разговорот се враќаме на нејзините почетоци, на љубовта кон движењето и балетот, спомените од средното балетско училиште и патот што ја однел кон актерството.

Зборуваме за магијата на театарот за најмладите, за односот со детската публика која секогаш препознава вистина, но и за предизвиците и убавината на сценскиот живот што трае три децении. Се осврнуваме и на искуството пред камера, на филмот како поинаква актерска форма, како и на музичката страна од нејзината уметност преку учеството во „Глумците пеат“.

Во разговорот допираме и лични теми – улогата на мајка, балансот меѓу приватното и професионалното, спомените за Скопје некогаш и чувството за градот денес.

Новата епизода е достапна на јутјуб-каналот на „Слободен печат“ во 19 часот.