Вечерва во новата епизода на поткасот „Со Ана на ТИ“ гостин е Алек Наумовски, модел но и ментор кој со децении е синоним за професионализам, стил и визија во македонската модна индустрија. Алек ја раскажа приказната за патот од пистите во светот до создавање на генерации успешни модели дома.

Разговараме за неговите почетоци и животот на моделите зад рефлекторите, за строгите услови и реалните критериуми што ги наметнува модата, но и за истрајноста потребна за вистински успех. Алек отворено зборува и за „Моделс Ин“, агенцијата која годинава одбележува 25 години успешна работа, како и за улогата на менторството во градењето кариера.

Посебен фокус ставаме на убавината на жената, притисоците од „совршената слика“ што ја креираат социјалните мрежи и важноста на автентичноста и во модата и во животот.

Поткастот „Со Ана на ТИ“ се емитува секој петок во 19 часот на јутјуб-каналот на „Слободен печат“.