Градоначалникот Петре Шилегов денеска најави дека 15.338 висококвалитетни садници ќе се посадат во Скопје. Од нив, 840 се топијари, 1.958 се зимзелени дрвја, 2.609 се листопадни, додека останатите 9.931 се грмушки и перени.

-Со поставување на повеќе видови на листопадни и зимзелени и други видови садници, целта е успешно да се обнови загубеното зеленило и градот да се збогати со повеќе чисти зелени површини кои можат да имаат само позитивен ефект врз здравјето на нашите граѓани, изјави Шилегов и додаде дека овогодинешните садници се значително повисоки што дава поголема гаранција дека нивното засадување ќе биде успешно.

-Максималниот обем на дрвјата во 2020 година е 24 см, односно се засадуваат садници со веќе оформено стебло и речиси комплетно оформена крошна. Нивните шанси да опстојат се многу поголеми, а дополнително веднаш се постигнува и саканиот позитивен ефект врз природната средина како и здравјето на граѓаните. За разлика од 2016, кога максималната височина на дрвјата беше 3,5 метри, садниците засадени во 2020 година во просек се високи 5,5 метри, со значително поголеми крошни чии сенки ќе придонесат за намалување на температурата во жешките месеци и овозможување на попријатни услови за прошетки низ градот“, додаде Шилегов.