Дворот на црквата „Свети Трифун“ во скопско Ајватовци е едно од местата каде што денеска се одбележува Св. Трифун – заштитник на лозарите. Денеска по седми пат се организира вински саем каде што производители на домашно вино го изложуваат својот производ, а подоцна и се натпреваруваат кој ќе добие поголема награда, односно чие вино ќе биде поквалитетно.

Екипата на „Скопски агол“ во „Утрински брифинг“ на „Слободна ТВ“ разговараше со дел од производителите.

-Има интерес за домашното вино. Имаме одличен производ кој вреди да се проба. Манифестацијата е одлична- вели производителот на домашно вино, Трајче Трајковски.

Организатор на манифестацијата е Општина Илинден. Градоначалникот Жика Стојановски информираше дека станува збор за традиционална манифестација во која покрај изложувањето на вино, акцент се става и на закројувањето на винова лоза.