Пласманот меѓу осумте најдобри на турнирот во Мадрид донесе напредок на ВТА листата за најдобрата македонска тенисерка Лина Ѓорческа.

Според денешното рангирање, Ѓорческа напредуваше за осум позиции и сега се наоѓа на 191. место, со вкупно 385 бодови, ист учинок како и Анастасија Севастова, која е пласирана веднаш пред неа. Сепак, ова рангирање е за 21 позиција под нејзиниот најдобар резултат во кариерата.

Од почетокот на 2026 година, македонската тенисерка настапи на четири турнири, како и во квалификациите за Австралија Опен. Нејзиниот најзначаен успех засега е полуфиналето во Порто во февруари, каде што беше поразена од Фиона Кроули од САД.