Норвешкото кралско семејство сѐ уште го тресат скандали бидејќи синот на принцезата повторно е уапсен. 27-годишниот Мариус Борг Хоиби овој пат ја прекршил забраната за доближување до неговата поранешна девојка.

Уапсен е откако во саботата на 7 септември ја малтретирал со пораки и повици од скриен телефонски број. Полицијата добила информација дека и покрај забраната, во неколку наврати контактирал со девојката.

„Одлучено е да го уапсиме поради опасност од повторување на прекршокот“, се вели во соопштението на полицијата.

Норвешкото кралско семејство со месеци го тресат скандали откако беше откриено дека синот на идниот крал е обвинет за напад на неговата 20-годишна девојка.

Мариус Борг Хоиби беше уапсен на почетокот на август и помина 30 часа во притвор, а се соочува со една година затвор. Неговата девојка била хоспитализирана со потрес на мозокот.