Германскиот индустриски конгломерат „Сименс“ најави дека ќе даде дозвола повеќе од една третина од своите вработени постојано да работат од дома два до три дена во неделата.

Оваа компанија со седиште во Минхен оцени дека пандемијата „покажала дека работењето надвор од фиксното работно време има многу предности и можен е многу поголем обем на работа отколку што претходно се мислеше.

Новиот аранжман се однесува на повеќе од 140 илјади вработени во над 125 места во 34 земји, соопшти „Сименс“ кој има повеќе од 380 илјади вработени.

Овој конгломерат вели дека неговиот концепт е наречен „мобилна работа“ и тој не значи задолжително работење од дома, туку дека вработените во договор со претпоставените ќе можат да одберат да работат онаму каде што се најпродуктивни.

Новиот пристап ќе биде прилагоден со законски барања до државите во кои „Сименс“ има свои постројки, со кои ќе се регулираат бизнис потребите на компаниите и потребите на вработените поединечно.