Шведската манекенка која се насели на островот Јаз повторно на слобода
Шведската манекенка Изабела Виола Линдблом вчера била ослободена од сплитскиот затвор, каде што помина девет дена откако беше приведена во трговски центар поради нарушување на јавниот ред и мир, пишува порталот „Шибенски“.
По апсењето, манекенката била однесена во психијатриска болница, но таму не била задржана, туку била спроведена во Општинскиот прекршочен суд во Сплит. Линдблом беше осудена на девет дена затвор, кои веќе ги одлежала, а судијата ја задолжил да ги плати трошоците на постапката во износ од 300 хрватски куни.
INSPO: la modelo sueca Isabella Viola Lindblom okupa desde hace un mes una isla deshabitada de Croacia.
“Dice que la isla es suya y ahuyenta a los visitantes”.
Vive en una tienda de campaña y ha asentado gallinas.Paga a algunos que le traen provisiones en barco. pic.twitter.com/25GNLqYXj5
— Maiden (@maidenpoem) June 14, 2022
Да потсетиме, Изабела Виола Линдблом, поранешен шведски топ модел, го привлече вниманието на јавноста откако се насели на ненаселениот остров Јаз во Хрватска. Како што пренесуваа хрватските медиуми, Швеѓанката се однесувала како островот да е нејзин, па дури и ги растерала посетителите, а на островот населила и кокошки.