Денеска е значаен ден за Скопје. Јас го остварив своето право на глас и ги повикувам сите граѓани да го сторат истото, затоа што така заеднички придонесуваме за подобра иднина на нашиот град, изјави кандидатката за градоначалник на Град Скопје од редовите на СДСМ, Каја Шукова.

Таа им посака успешен и мирен изборен ден на сите сограѓани, како и на сите кои се вклучени во спроведувањето на изборниот процес, нагласувајќи ја важноста на секој поединечен глас.

-Секој глас е важен. Секој глас е чекор напред кон подобро Скопје – порача кандидатката на СДСМ.