Откако две претходно договорени појавувања на кралицата Летиција беа откажани, потврдено е дека е позитивна на коронавирус и има благи симптоми.

Само еден ден пред да биде потврдено дека има коронавирус, кралицата Летиција со својот сопруг, кралот Фелипе Шести и ќерките, принцезата Леонор и инфантата Софија, пристигнаа на доделувањето на наградите „Princess of Girona Foundation Awards“, каде воодушеви со својот моден избор и синиот фустан со необичен детаљ на вратот.

А пред настанот, кралското семејство учествуваше и на работилница со поранешните добитници на оваа престижна награда, никој од присутните не носел маска, па можноста за ширење на инфекцијата, секако, е уште поголема.

Како што пишуваат шпанските медиуми, кралицата имала благи симптоми, а сите нејзини ангажмани засега се откажани. Инаку, кралицата Летиција не е првиот член на шпанското кралско семејство кој е позитивен на коронавирусот. Нејзиниот сопруг, кралот Фелипе Шести, покажал позитивен тест уште во февруари оваа година, но тогаш ниту Летиција ниту нивните ќерки не биле заразени.

Три месеци подоцна, во мај оваа година, мајката на Фелипе, кралицата Софија, исто така беше позитивна на коронавирус.