Поранешниот кошаркар на Работнички, Андреј Шошкиќ, продолжува со одличните настапи во НЦАА и повторно беше еден од клучните фактори во новата победа на својот тим.

Стони брук славеше на гостувањето кај Нортистерн со убедливи 95-80, што претставува трета последователна победа за оваа екипа. Шошкиќ одигра значајна улога во триумфот, откако за 31 минута на паркетот постигна 22 поена, што е негов втор најдобар учинок во колеџ-кариерата, веднаш зад рекордните 27 поени.

Ова воедно беше и четврти пат македонскиот плејмејкер да ја надмине границата од 20 поени, откако пред почетокот на сезоната се пресели во НЦАА.

По оваа победа, Стони Брук има совршен учинок од 4-0 против ривалите од својата Конференција и моментално се наоѓа на седмата позиција на табелата, со само еден триумф помалку од второпласираниот Чарлстон.

Maкедонецот Шошкиќ избран за играч на неделата во НЦАА лигата