Бруто домашниот производ во 20-те земји кои го делат еврото се зголеми за 0,3 отсто во вториот квартал, во споредба со претходните три месеци, според официјалната проценка објавена во понеделникот. БДП во еврозоната падна за 0,1 отсто во последните три месеци од 2022 година, а стагнираше во првиот квартал од оваа година.

Одделно, официјалните податоци покажаа дека инфлацијата продолжи да паѓа овој месец. Индексот на потрошувачките цени во еврозоната порасна за 5,3 отсто, што е намалување од 5,5 отсто во јуни. Економијата на еврозоната беше силно погодена минатата зима од огромното зголемување на цените на енергијата што следеше по руската инвазија на Украина, но податоците од двете најголеми европски економии во петокот сигнализираа дека закрепнувањето е веќе во тек.

„Шокотот од Путин исчезнува. Високите цени на енергијата и храната силно ги погодија потрошувачите, но како што инфлацијата се намалува додека вработеноста продолжува да расте, како и бизнисите, се чини дека реалниот расположлив приход на домаќинствата значително ќе зајакне во наредните квартали“, рече Холгер Шмидинг, главен економист на Беренберг, пренсува Кликс.ба.