Шиша баровите во Германија ќе банкротираат од новите правила на пакување на тутунот
Во Германија има повеќе од 5.000 шиша-барови, пишува магазинот Феникс. Пушењето наргиле беше модерно во Германија со години, а во германските градови се отвораа се повеќе шиша-барови.
Но, сега се менува односот на јавноста кон шиша баровите. Најновите прописи за пакување, кои стапија на сила во средината на 2022 година, приближно ја удвоија цената на тутунот за наргиле со разорни ефекти за тутунската индустрија. Наместо да купуваат поскап, легален тутун, се повеќе потрошувачи се свртуваат кон опасни производи на црниот пазар и се почесто пушат дома наместо во кафулиња.
– Доколку оваа регулатива не биде укината, третина од сите шиша-барови во Германија може да бидат затворени до крајот на годината, изјави Фолке Рега, директор на Здружението на производители на тутун за наргиле.