Многу луѓе со дијабетес сигурно забележале зголемување на нивото на шеќер во крвта во текот на зимата.

Еве неколку делотворни начини за контрола на нивото на шеќер во крвта во зима.
Од прескокнување на појадок до стресот и недоволното спиење, сето ова може да го зголеми нивото на шеќер во крвта. Ако имате дијабетес, одржувањето на нивоата на шеќерот во крвта во целниот опсег е неопходно за да избегнете здравствени проблеми, пишува Healthshots.

Ако не се контролира високиот шеќер во крвта, тоа може да предизвика таложење на кетони во крвта и урината, што може да доведе до состојба наречена кетоацидоза, вели експертот за интерна медицина д-р Тушар Тајал. Некои од неговите симптоми се:

– Сува уста
– Болки во стомакот
– Гадење и повраќање
– Заматен вид
– Конфузија (збунетост)
– Губење на свеста

Кај дијабетичарите, важно е да се држи под контрола шеќерот во крвта, бидејќи хипергликемијата може да предизвика долготрајни компликации како што се:

– Срцева болест
– Оштетување на крвните садови
– Оштетување на нервите
– Оштетување на бубрезите
– Оштетување на мрежницата
– Оштетување на коските и зглобовите

Зошто во зима расте нивото на шеќер во крвта?

Постојат неколку причини зошто нивото на шеќер во крвта може да се зголеми кога температурата паѓа.

Луѓето се помалку активни во студените месеци, бидејќи поради студеното време поминуваат повеќе време во затворени простории и избегнуваат активности на отворено. Намалената физичка активност доведува до помала побарувачка за гликоза, што може да предизвика зголемување на нивото на шеќер во крвта.

Хормонални промени

Ладното време го стимулира ослободувањето на хормоните на стрес како кортизол и адреналин. Овие хормони имаат контрарарегулаторно дејство на инсулинот, што значи дека ја намалуваат способноста на телото да ја апсорбира гликозата од крвотокот. Ова може да доведе до хипергликемија, особено кај луѓето со дијабетес.

Зголемен внес на калории

Во текот на зимата, луѓето често копнеат по храна која е покалорична и генерално богата со јаглехидрати. Додека јаглехидратите обезбедуваат енергија, тие исто така можат да предизвикаат скокови на шеќерот во крвта проследени со падови.

Болест

Зимата е сезона на настинки, грип и други болести. Кога луѓето се болни, нивните тела ослободуваат воспалителни хормони кои, исто така, можат да го попречат производството на инсулин и внесот на гликоза. Ова може да го отежне контролирањето на нивото на шеќер во крвта, вели експертот.

Како дијабетичарите можат да го контролираат нивото на шеќер во крвта во зима?

Ако сте дијабетичар, мора да преземете одредени мерки за да го задржите шеќерот во крвта под контрола во зима. Затоа контролирајте го нивото на шеќер во крвта во зима со овие совети.

Останете загреани

Промената на температурата на околината може негативно да влијае на шеќерот во крвта. Изложеноста на екстремен студ предизвикува ослободување на хормоните на стрес во телото кои го зголемуваат нивото на шеќер. Затоа, носете облека што ќе ве стопли.

Вакцинирајте се против грип

Закрепнувањето од помали болести како грип и настинки може да биде тешко за дијабетичарите. И ако не се контролира нивото на шеќер во крвта, може да биде потешко. Вакцинирањето против грип може да ги намали шансите за добивање на грип, посетите на лекар, отсуството од работа и училиште, како и сериозноста на болеста ако заболите од грип.

Управување со стресот

Зимата е поврзана со поголема веројатност за анксиозност и депресија, што може да резултира со лоша грижа за себе и нестабилно ниво на шеќер во крвта. Редовно вежбајте, практикувајте јога, бидете ментално ангажирани и останете социјално активни, предлага д-р Тајал.

Јадете посложени јаглехидрати и протеини

Постои тенденција да се јаде повеќе храна во текот на зимата, особено храна богата со рафинирани јаглехидрати како што е шеќерот. Одржувањето на диета со здрава исхрана е клучно за управување со нивото на шеќерот во крвта. Зголемете го внесот на зеленчук, супи од зеленчук, јаткасти плодови и семки.

Контрола на порциите

Во ред е одвреме-навреме да се препуштате на храна богата со маснотии, но треба да ги ограничите слатките пијалаци и грицки за да не влијаат негативно на нивото на шеќер.

И за крај, редовно вежбајте, останете хидрирани и правете редовни контроли.