Американскиот претседател Доналд Трамп објави дека кај неговата шефица на кабинетот, Сузи Вајлс, е дијагностициран рак на дојка во рана фаза. Трамп истакна дека Вајлс веднаш ќе започне со лекување и дека во тој период ќе продолжи да работи во Белата куќа, што, како што рече, го прави среќен. Оваа информација ја објави Доналд Трамп на својата социјална мрежа Трут сошиал“, пренесе „Њујорк тајмс“.

„Сузи Вајлс е неверојатна шефица на кабинетот, одлична личност и една од најсилните луѓе што ги познавам. За жал, ѝ беше дијагностициран рак на дојка во рана фаза и одлучи да се соочи со предизвикот сега, без одложување“, напиша Трамп.

Тој додаде дека Вајлс има „фантастичен медицински тим“ и дека нејзината прогноза е одлична.

„Нејзината сила и посветеност да продолжи да ја работи работата што ја сака и ја прави толку добро додека е на лекување кажува сè што треба да знаете за неа“, рече тој.

Трамп ја опиша Вајлс како еден од неговите најблиски и најважни советници, која е „силна и длабоко посветена на служење на американскиот народ“.

&;

Најзаслужна за победата на Трамп: Која е Сузи Вајлс, жената која ги „замолчи“ демократите?