Шасивари: Сериозно се загрозени владеењето на правото и човековите права
Професорот по уставно право на Универзитетот на Југоисточна Европа, Јетон Шасивари за „Слободен печат“ вели дека мнозинството од петте уставни судии е легитимно и легално мнозинство, но тоа не значи дека ова мнозинство редовно и секогаш ќе биде едногласно во иднина, бидејќи е доволен само еден глас против за да се блокира одлуката на Уставниот суд за одредени предмети.
– Ваквата состојба со немањето целосен капацитет за одлучување на овој суд секако ќе има многу негативно влијание врз дејноста и квалитетот на неговата работа, особено кога досега се одложени одлуките за десетици предмети поради немање потребно мнозинство, како што се законот за употреба на јазиците, законот за ратификација на Договорот од Преспа, законот за Јавно обвинителство, итн. Несомнено дека ваквата состојба сериозно ќе ги загрози темелните вредности на нашиот уставен поредок, како што се: владеењето на правото и човековите права и дополнително ќе ја намали довербата на граѓаните во правосудниот систем, што ќе има негативни последици и во однос на евроинтеграциите, вели Шасивари.
Мицевски: Ако сака СДСМ, уште денес може да закаже седница на Комисија за избор на уставни судии