Шакира откри дека „никогаш не е задоволна од сопствените песни“
Шакира призна дека како изведувач „никогаш не е целосно задоволна“ од сопствената музика.
Ѕвездата за првпат се појави на насловната страница на „Vogue Mexico“ велејќи дека самата си е најстрог критичар и секогаш кога ги преслушува своите песни, наоѓа начини како да ги подобри.
„Не сум си голем обожавател самата на себе“, откри Шакира за „Vogue Mexico“. „Секогаш кога ги слушам работите што сум ги направила велам: „Ова можеше да биде подобро“. Никогаш не сум целосно задоволна“, вели таа.
View this post on Instagram
„Тоа незадоволство не е целосно негативно – има и нешто добро. Никогаш не сакам да се вратам на она што веќе сум го направила“, открива пејачката.
43-годишната ѕвезда – чиј последен албум „El Dorado“ излезе во 2017 година – исто така откри дека работи на нови песни и дека очекува следниот албум да биде објавен во 2022 година.
„Песните ќе продолжат да излегуваат во текот на оваа година, и истите ќе завршат на албумот што мислам дека ќе биде достапен следната година“, додаде таа.
„Следната година повторно ќе бидам на турнеја. Многу сум возбудена“, откри Шакира.
View this post on Instagram
Во меѓувреме, на почетокот на годината, Шакира откри дека ги продала авторските права на сите 145 нејзини песни – вклучително и огромните хитови како „Whenever, Wherever“ – на музичката инвестициска куќа „Hipgnosis Songs Fund“, но никогаш не се дозна колку заработила од продажбата.
„Да се биде текстописец е достигнување што го сметам за еднакво и можеби дури и поголемо од тоа да си пејач и уметник“, во една прилика изјави таа.
