Севернокорејската национална телевизија го објави првиот извештај за Олимписките игри во Токио два дена откако церемонијата заврши, пренесува Би-Би-Си. 

Според извештајот на локалните медиуми, Севернокорејската национална телевизија оваа недела емитувале 70 минути од натпреварот во женски фудбал меѓу Велика Британија и Чиле. Тој натпревар бил одигран на 21-ви јули. 

Северна Кореја претходно дала прилог за Олимпијадата неколку дена откако тие се започнаа. 

Според сајтот на „НК њуз“, женскиот натпревар бил емитуван без коментатор и во лоша резолуција. 

Северна Кореја не испрати своја делегација во Токио, тврдејќи дека сака да ги заштити своите спортисти од Ковид-19. Пјонгјанг вели дека во земјата нема забележано случај на коронавирус, но експертите велат дека шансите за тоа се многу мали.