Селанец во домашен притвор за нелегално држење ловна пушка и муниција
Тетовското обвинителство спроведува истражна постапка против едно лице поради постоење основано сомнение дека сторил кривично дело – Неовластено изработување, држење, посредување и тргување со оружје или распрскувачки материи од член 396 став 2 во врска со став 1 од Кривичниот законик, соопштија од обвинителството.
– Осомничениот, 68-годишен жител на село Церово, општина Желино, на 11-ти октомври во семејната куќа држел оружје и муниција од поголемо количество кои на граѓаните им се забранети. При извршен претрес во домот на осомничениот пронајдени се 15 куршуми калибар 7,62 мм долго зрно , 11 патрони ловна муниција калибар 12 мм, 2 патрона ловна муниција 16 мм и ловна пушка „Бокерица“ калибар 12 мм без фабрички број – се вели во соопштението на јавното обвинителство.
Обвинител до судија на претходна постапка, доставил предлог за определување мерка притвор за осомниченит. Тетовскиот суд му определи домашен притвор.