Глумецот Брајан Остин Грин, најпознат по улогата во тинејџерската серија „Беверли Хилс 90210“ во својата емисија потврди дека се развел од глумицата Меган Фокс.

„Секогаш ќе ја сакам. И знам дека таа секогаш ќе ме сака мене. Семејството кое заедно го изградивме е навистина посебно“, рече глумецот, кој со Меган има три сина.

Парот поднел документи за развод пред да се роди нивниот најмлад син, но тогаш бременоста променила сè.

Во емотивниот говор во својата поткаст-емисија Брајан истакна дека Меган го оставила него и дека не исклучува смирување со својата сопруга, но и дека во моментов се само „добри пријатели и не живеат заедно“.

Објасни дека минатата есен Меган била отсутна поради снимање филм и потоа се договориле да се разделат на некое време бидејќи често биле одвоени.

„Три недели откако замина сонував дека се врати и дека одеднаш се оддалечивме и дека веќе ништо не беше исто“, раскажа глумецот.

И навистина, откако Меган се вратила ситуацијата меѓу нив била чудна, но Брајан тоа го препишал на работата и уморот по напорниот проект.

„И дадов неколку недели и мислев дека сè ќе се врати во нормала. Мислев дека е само малку уморна, бидејќи имаше напорно снимање“, објасни Брајан.

„Рече дека сфатила кога беше надвор од земјата дека таму повеќе си се допаѓала и дека смета дека вреди да тргне по тој пат”, се присети Брајан на разговорот.

„Бев шокиран и вознемирен, но не можам да бидам лут бидејќи таа не барала да се чувствува на тој начин. Не го направила тој избор, само искрено го чувствувала тоа. Уште малку зборувавме и одлучивме да се разделиме на некое време. Тоа и го направивме”, искрено рече Брајан.

Меган неодамна е видена во друштво на американскиот музичар Машин Ган Кели.