Лидерката на бугарската Социјалистичка партија, Корнелија Нинова попладнево изјави дека одлучиле да ги прекинат сите разговорите со ГЕРБ за првиот мандат за формирање нова влада во земјата.

„Донесовме одлука за прекинување на разговорите со ГЕРБ – ниту за учество, ниту за поддршка“, изјави Нинова пред новинарите во Софија.

„Доста направивме, хаосот и лицемерието што го демонстрираат не може да продолжи, барем за нас“, коментираше таа.

Инаку бугарскиот претседател Румен Радев и го додели првиот проучувачки мандат за формирање влада на кандидатката за премиер на ГЕРБ-СДС, Марија Габриел, јави БТА.

„Треба да сфатите дека на овој пат Ве очекуваат многу пречки, но јас ќе ве чекам следниот понеделник со составот на Министерскиот совет. Денеска и утре, гледам, се одлучувачки денови за Вас“, и кажал Радев на Габриел и притоа и посакал успех.

Радев и го врачи првиот проучувачки мандат на Марија Габриел од ГЕРБ-СДС за состав на новата бугарска Влада